ТДМ 11. Тұрақты қалалар мен елді мекендер
Satbayev University тұрақты қалаларды дамытуға қосатын үлесін инженерлік, геологиялық, көліктік, экологиялық және цифрлық сараптама арқылы ерекше сенімді түрде көрсете алады. Алматы және Қазақстанның басқа да қалалары үшін бұл сейсмикалық қауіпсіздікті, көлікті, инженерлік инфрақұрылымды, ресурстарды басқаруды және экологиялық мониторингті қамтиды.
Бұл Satbayev University үшін нені білдіреді:
Университет тұрақты қалалық дамуға маңызды құзыреттер мен зерттеулерді дамытады: геомониторинг, көлік инфрақұрылымы, экологиялық қауіпсіздік, су ресурстарын басқару, энергия тиімділігі, қаланың цифрлық жүйелері және resilience-тәсілдер.
Тұрақты орта
Университеттің тұрақты қалалық ортаға қосатын үлесі:
✔ қаланы басқаруға тұрақты инженерлік және цифрлық шешімдерді енгізу мақсатында муниципалдық органдармен серіктестік орнату (мысалы, «Жасыл Алматы»);
✔ мегаполистегі көгалдандыру мен экологиялық мәдениетті нығайтуға бағытталған студенттердің экологиялық бастамалары;
✔ практикалық урбанистикада қолдануға дайын тұрақты сәулет және тұрғын үй қорын жаңғырту жөніндегі ғылыми зерттеулер;
✔ қалалық инфрақұрылым, экология және цифрлық басқару салаларындағы кешенді міндеттерді шешуге қабілетті мамандар даярлау.
ТДМ 11-ге қосылатын үлестің ерекше бағытының бірі – «Дос-Мұқасан ұясы» жобасы.
Тарихи жатақхана ғимаратын қалпына келтіру – бұл университет аясындағы мәдени және табиғи мұраны қорғау мен сақтаудың үлгісі, ол Алматы қалалық ортасының бірегей келбетін қалыптастырады.
Біз қалаларды жай ғана зерттемейміз — біз инженерлік инновациялар әрбір тұрғынның қауіпсіздігі мен жайлылығына қызмет ететін олардың тұрақты болашағын жобалаймыз.
Зерттеулер
Практикалық бастамалардан бөлек, Satbayev University қалалар мен елді мекендердің тұрақты дамуына арналған шешімдерді әзірлеуге бағытталған зерттеулер мен ғылыми жобаларды белсенді түрде жүзеге асырады. Университет ғалымдары қалалық ресурстарды инженерлік және экологиялық басқару модельдерімен жұмыс істейді, оның ішінде қалалық көлік жүйелерінің тиімділігін талдау, табиғи ресурстарды пайдалануды оңтайландыру, сондай-ақ инфрақұрылымды мониторингтеудің цифрлық тәсілдері бар. Ғылыми бағдарламалар аясында ғимараттар мен қалалық құрылыстың климаттық орнықтылығын бағалау және арттыру әдістері, сумен жабдықтау және су бұру жүйелерінің тиімділігін арттыру жөніндегі зерттеулер, сондай-ақ қалалық процестерді басқару үшін үлкен деректер мен цифрлық технологияларды пайдалану бойынша жобалар әзірленуде. Бұл зерттеулер қалалық басқару органдары мен индустриялық серіктестер үшін ғылыми негізделген ұсынымдар қалыптастыруға бағытталған, бұл инновацияларды қалалық жүйелерге практикалық тұрғыдан енгізуге, қалалық ортаның сапасын нығайтуға, экологиялық жағдайды жақсартуға және халықтың өмір сүру деңгейін арттыруға ықпал етеді, ал мұның барлығы ТДМ 11-ді іске асырудың негізгі элементтері болып табылады.
Алматыдағы ауа мәселесін шешу үшін осы саланың мамандары Сәтбаев университетінде жиналдыБілім
Satbayev University қалалық жоспарлау, көлік инженериясы, экологиялық менеджмент, тұрақты сәулет және ақылды қалаларға арналған цифрлық технологиялар саласында сұранысқа ие мамандар даярлауға бағытталған мамандандырылған курстарды, оқу модульдерін және практикаға бағдарланған пәндерді ұсынады. Студенттер тұрақты көлік жүйелерінің, энергия тиімді ғимараттардың, жасыл инфрақұрылымның және қалалық ресурстарды басқарудың тұжырымдамаларын әзірлеу жөніндегі студенттік және пәнаралық жобаларға қатысады, сондай-ақ муниципалдық ведомстволармен және индустриялық серіктестермен ынтымақтастық аясында нақты кейстермен жұмыс істеу тәжірибесін алады. Университет Қазақстанда алғаш рет ауа сапасына арналған «Алматының таза ауасы» форсайт-сессиясын өткізді. Кездесу қорытындысы бойынша негізгі сын-қатерлерге талдау жасалған және таяу уақытта іске асырылуы мүмкін 38 жобалық шешім қамтылған құжат дайындалды.
«Алматының таза ауасы» Сәтбаев университеті мен Halyk қоры «Halyk орманы» экологиялық бастамасында күш біріктірді
